Nunat tamalaat akornanni isumaqatiginninniarnerit

Kalaallit Nunaat Naalagaaffeqatigiit isumaqatiginninniartartuinut ilaalluni FN-imi silap pissusia pillugu isumaqatigiissutip ataani nunat tamalaat silap pissusia pillugu isumaqatiginninniarnernut peqataasarpoq. Danmarkip aamma Kalaallit Nunaata akornanni Silap pissusia pillugu suleqatigiinnissamut isumaqatigiissut 2012-imeersoq nunat marluusut taakku akornanni silap pissusia pillugu suleqatigiinnerannut nukittortitseqataavoq, aammalu ukiumoortumik isumaqatiginninniarnerni Kalaallit Nunaata soqutigisaasa ersarinnerulernissaannik qulakkeeriffiulluni.

 

Ukiumoortumik isumaqatiginninniarnerni Kalaallit Nunaanni Naalakkersuisut Silap Pissusianut, Nukissiuuteqarnermut Illuuteqarnermullu Ministereqarfik qanittumik suleqatigisarpaat, aammalu EU-mi isumaqatiginninniarnerni ataatsimut siunnerfissat aalajangersarneqarnerini suleqataasarlutik. Isumaqatiginninniarnerit nalaanni Danmarkip suleqatigineqartarnera pillugu annertunerusumik atuagaqarsinnaavutit, uani.

 

Suliffissuarnik tunisassiorfiusunik namminerisamik pigisanik pilersitsinissap aammalu aningaasaqarnikkut nammineernerulernerup kingunerisaanik Kalaallit Nunaanni aniatitat annertusinissaat naatsorsuutigineqarpoq. Kisiannili tamanna qanoq annertutigissanersoq nalunarpoq, taamaattumillu killiffimmi ujarlerfiusumi inissisimapput, tassanilu nunat tamalaat annikillisitsinissamut pisussaaffiinut ilaalernissamut periarfissat misissuiffigineqarput. Kalaallit Nunaata nunat tamalaat akornanni pisussaaffii pillugit annertunerusumik atuagaqarsinnaavutit, uani.

De Internationale Forhandlinger