Suleqatigiinneq ilisimatusarnernik tunngaveqartoq

Kalaallit Nunaanni silap pissusianik ilisimatusarnikkut assigiinngitsunit aammalu nunanit tamalaaneersunit, danskit kalaallillu nunaasa killeqarfii akimorlugit suleqatigiiffiuvoq. Kalaallit Nunaanni Silap Pissusianut Ilisimatusarfiup pingaartumik Canadami, Norgemi, Danmarkimi kiisalu nunani issittuni nunani allani ilisimatusarfiit suleqatigai.

 

Arctic Science Partnerships tassaavoq suliniut nutaamik aallartinneqarsimasoq, nunani issittuni silap pissusianut tunngatillugu ilisimatusaatinik ilinniartitsissutinillu katersuiffiusussaq. Suliaq Kalaallit Nunaanni Sila Pissusianut Ilisimatusarfiup, Århus Universitetip aamma University og Manitoba-p suleqatigiinnerisigut pilersinneqarpoq sulilu ineriartortinneqarluni. Arctic Science Partnerships ilisimasanik aveqatigiittarnermut, suleqatigiinnermut ataatsimullu ilisimatusarnermut aqqutissiuisussaavoq, piffissallu ingerlanerani aamma ilisimatusarfiit allat ilaatinneqalernerisigut annertusineqarsinnaalluni. Suleqatigiinneq pillugu atuagaqarsinnaavutit, uani.

 

Nunani Issittuni Siunnersuisoqatigiit nunarsuup immikkoortuani silap pissusianik ilisimatusarnikkut suleqatigiinnermut pingaarutilittut maligassiuisuuvoq. Siunnersuisoqatigiit ilaatigut nalunaarusiat Arctic Climate Impact Assessment – imaluunniit ACIA – 2005-imi saqqummersoq aamma Snow, Water, Ice and Permafrost in the Arctic – SWIPA – 2011-imeersoq suliarisimavai. Nalunaarusiani marluusuni taakkunani ilisimatusaqatigiit, nunani issittuni tamarmiusuni nunanit tamalaaneersut, aammalu assigiinngitsorpassuarnik suliaqartut tunuliaqutarineqarput. Kalaallit Nunaata tungaaniit Silap Pissusianik Ilisimatusarfimmi aamma Ilisimatusarfimmi ilisimatusartut tapersiisimapput, taamatullu danskit ilisimatusartut arlallit, immikkut Kalaallit Nunaannik ilisimasaqartut suleqataasimallutik. ACIA aamma SWIPA pillugu ‘Nunani Issittuni Siunnersuisoqatigiit’ ataani, kiisalu nittartakkami quppernerni ukunani annertunerusumik atuagaqarsinnaavutit:

 

Arctic Climate Impact Assessment – ACIA – 2005

 

Snow, Water, Ice and Permafrost in the Arctic – SWIPA – 2011

 

DANCEA nunani issittuni avatangiisinut silallu pissusianut tapersiisarfiuvoq, Nunani Issittuni Siunnersuisoqatigiinni Naalagaaffeqatigiit pisussaaffimminnik naammassinninnissaannut qulakkeerinissaannut tapertaasussaq. Silap pissusianut tapersiisarnermut pilersaarut Danmarkimi Nukissiuuteqarnermut Aqutsisoqarfimmit aqunneqarpoq, Namminersorlutik Oqartussat tusarniaaffigineqartarlutik. Aaqqissuussinermi silap pissusianik ilisimatusarnermi suleqatigiit arlalissuit, Kalaallit Nunaanni aallaaveqartut tapersiiffigineqarsimapput. DANCEA-p silap pissusianut tapersiisarnera, siunertaa suliniuteqarfiilu pillugit annertusumik atuagaqarsinnaavutit, uani.

 

Kalaallit Nunaanni silap pissusianik ilisimatusarneq pillugu qulequttap Silap pissusianik ilisimatusarneq ataani atuagaqarsinnaavutit, tassanilu Kalaallit Nunaanni, Danmarkimi nunarsuullu sinnerani ilisimatusarfinnut innersuussutinik peqarpoq.

Forskningsbaseret Samarbejde

Arctic Science Partnership

Arctic Climate Impact Assessment

Snow, Water, Ice and Permafrost in the Arctic

Danmarkimi Nukissiuuteqarnermut Aqutsisoqarfik

DANCEA-mit silap pissusianut tapiissutit

Global Weirding

Se flere videoer...