Immap sikua

 

Havis 1980

Havis 2008

 

 

Nunat issittut imartaani immap sikua ukiut qulikkaat kingulliit ingerlanerini annikilliartorsimavoq. Immap sikua annertussutsimigut, issussutsimigut atasinnaassutsimigullu annikillisimavoq, taamaalillunilu sumiiffiit ammaannartunik imartallit allisimapput. Aakkiartornerup sukkaneruleqqinnissaa naatsorsuutigineqarpoq, tamatumalu nassatarisaanik ukiut untritilikkaat atukkatta qiteqqunneranni aasat sikoqanngittalersinnaapput.

 

Immap sikua annikilliartornerata atorsaannginneratalu kingunerisaanik aalisartut , piniartut  inuussutissarsiutillu allat, sikumik atorfissaqartitsiviusut sunnerneqassapput, taamatullu immap ammaannartup angallaviusinnaanera  sunnerneqassalluni. Tamatuma saniatigut immap sikuata aakkiartornera, sumiiffiillu ammaannartumik imartallit annertunerulernerat kissamik tigooqqaanerup annertunerulerneranik kinguneqassaaq. Tamanna sumiiffinni Kalaallit Nunaata eqqaanniittuni silaannaap immallu kissakkiartornerinik sakkortusititsissaaq, aakkiartornermillu annertusititseqqissalluni.

 

Immap sikuata annertunera Kalaallit Nunaanni inuuniarnikkut pissutsinut pingaa


 ruteqartorujussuuvoq, aammalu allanngoriartornernut, siunissami nunani issittuni naatsorsuutigineqarsinnaasunut takussutissatut pingaaruteqarluni. Taamaattumik immap sikuata aakkiartornerani pissutsit tunngaviusut paasilluarneqarnissaat, aammalu immap sikusarnerata siunissami qanoq isikkoqarsinnaaneranik eqqoriaanissaq anguniarlugu ilisimatusartut ilisimatusarfiillu amerlasuut suleqataatinneqarput.

Kalaallit Nunaanni Pinngortitaleriffik Kalaallit Nunaanni avatangiisini pissutsit timitaanni akuutissanilu allannguutinik nakkutilliinermik isumagisaqarpoq, aammalu immap sikuata siaruarsimassusiani pissusiusunik nakkutilliiuarnermigut malinnaalluni. Nunami pinngortitaq uumasullu pillugit ilisimatusarnermi qitiusumik inissisimavoq, aammalu immami isumalluutillit uumassusillit immikkut sammisaralugit.

 

Kalaallit Nunaanni Silap Pissusianik Ilisimatusarfik suliniutinik arlalinnik, immap sikuanut taassumalu siaruarsimassusianut sunniutaasartunik paasisimasanik amerlisaaffiusunik suliaqarpoq. Immap sikuata ilisimatusarfigineqarnerata saniatigut pinngortitamut inuiaqatigiinnullu ilisimatusarfiit arlalissuit ilisimatusarfigineqarput, akuttunngitsumillu danskit nunanilu allani ilisimatusarfii suleqatigineqartarput. Silap pissusiani allannguutit Kalaallit Nunaanni avatangiisinut, pinngortitamut inuiaqatigiinnullu sunniutissaattut naatsorsuutigineqartut aallunneqarput. Immikkut ittumik ilisimatusarfiusut pillugit annertunerusumik atuagaqarsinnaavutit, uani.

 

Havis

Pinngortitaleriffik

Århus Universitetimi Nunanik Issittumiittunik Ilisimatusarfik

National Snow & Ice Data Centre

Immap sikua

Global Weirding

Se flere videoer...