Immap qaffakkiartorneri

Nunarsuarmi imartani immap qaffakkiartorneri silap pissusiata allannguutaasa sunniutigaat annertooq. Nunanit issittunit qaffaatit ukiuni kingullerni maannamut ilimagisamit annertunerusujussuusut paasinarsisimavoq. 2003-miit 2008-mut imartani qaffaatit 40%-ii Kalaallit Nunaanni sermersuarmeersuupput, taamaalillunilu nunarsuaq tamakkerlugu imartat qaffaataannut ilassusiisut annertunersaralugu.

 

Siunissami imartat qaffaatissaasa qanoq annertutiginissaat naatsorsuutigineqarsinnaanersoq eqqoriarniarlugu sermersuup, sermit iigartartut imartallu avatangiisit akornanni ataqatigiinnerup annertuumik ilisimasaqarfigineqalernissaa pisariaqarpoq. Kalaallit Nunaanni Silap Pissusianik Ilisimatusarfik sermersuup, immap sermillu iigartartut, sermersuarmik kangerlunnut imaanullu atatitsisut ataqatigiinnerinik nakkutilliinermut suleqataavoq. Ilisimatusarnerit taakku imartat itissusiisa allannguutaanik eqqoriaanissamit annertunerusumut tunngasuupput, silallu pissusiata allannguutaasa kingunerisaanik nunami kangerluit sermip aniaffiinut paasissallugit pisariusunut takutitsisuullutik.

Havstigninger