Naasut

Silap kissarnerulernera nittaalariaatsillu allanngornerat Kalaallit Nunaanni naasunut sunniuteqartussaavoq. Orpeqarfiit killinga avannarpassaaq, nunalerinermi pissutsit pitsannguuteqassapput, aammalu siunissami aasaanerani piffissat panerfiusut amerlanerulissapput sivisunerulerlutillu. Tunngavissat assigiinngitsut taakku imminnut sunneeqatigiittarnerat, aammalu uumasoqassutsimut taakkulu siammarsimassusianut sunniuteqarnissaat paasineqassappat annertuumik ilisimatusartoqartariaqarpoq.

 

Kalaallit Nunaanni Pinngortitaleriffik aamma Kalaallit Nunaanni Silap Pissusianik Ilisimatusarfik Kalaallit Nunaata nunataani pinngortitap ataqatigiinneranut paasissutissanik pioreersunik katersisartuupput. Tassani isumalluutit uumassusillit, taakkulu pinngortitami pissutsit allanngorartut iluanni avatangiisii nalinginnaasut aallunneqarput. Silap pissusiata allanngornerani naasut assigiinngitsut pinngortitallu ataqatigiinneri tamakkiisut qanoq qisuariaateqassanersut paasiniarneqarpoq. Pisuni amerlasuuni uumasooqatigiit toqqakkat atugaasa qanoq sunnerneqarnissaasa paasineqarnissaa siunertarineqarpoq.

 

Ilisimatusarfinni Zackenberg aamma Nuuk pilersaarutip BioBasic ilaatut naasut assigiinngitsut arlallit misissugarineqarput, najukkanilu pinngortitami ataqatigiinni tunngavissat amerlasuut ataatsikkut nakkutigineqarput. Paasissutissat katersorneqartut ilisimatusartunut, ilisimatusarfinnut tikeraartunut misissoqqitassatut atorneqarput. Ilisimatusarnermi annertooq pissutsit allanngornerisa nunami isumalluutinut uumassusilinnut uumassuseqanngitsunullu qanoq sunniuteqartarnerannik paasiniaanermut atorneqarpoq.

Plantelivet

Pinngortitaleriffik

Silap Pissusianik Ilisimatusarfik

Suliat

Århus Universitetimi Nunanik Issittumiittunik Ilisimatusarfik

Global Weirding

Se flere videoer...