Climategreenland pillugu

Climategreenland tassaavoq, Namminersorlutik Oqartussat Kalaallit Nunaanni silap pissusiata allannguutai pillugit nittartagaa. Nittartagaq iserfissiatut, inunnut, suleqatigiffinnut paasissutissanulluunniit illit ujagarnut ikiuutaasinnaasutut eqqarsaatigineqarpoq. Tamatuma saniatigut suliassaqarfiit, Kalaallit Nunaata silap pissusiata allanngornerinit eqqorneqarfigisaannut, taakkulu qanoq iliorluni aaqqiiffiginiarneqarnerinut takussutissiisussaavoq.

 

Iserfissiami silap pissusiata allannguutai amerlasuunik sammiveqarluni sammineqarput, tassalu ilisimasanut aammalu sullissisut suliatigut assigiingitsorpassuarnik sammiveqartut tunuliaqutaqartullu ilisimasaannut ataatsimoortitsiviulluni.

 

Kalaallit Nunaanni silap pissusianik ilisimatusarnerit maanna ingerlanneqartut oqaluttuarineqarnerisa saniatigut Kalaallit Nunaanni gassit silaannarmik kissakkiartortitsisartut aniatinneqartut aammalu Danmarkimut kiisalu FN-ip iluani nunat tamalaat suleqatigiinnerat pillugu takussutissiuisoqarpoq. Tamatuma saniatigut silap pissusianut naleqqussarneq pillugu paasissutissat, kiisalu silap pissusiata allanngoriartuutaasa nassatarisaanik periarfissat pillugit paasissutissat nassaarisinnaavatit.

 

Iserfissiaq qulequttat pingaarnerit sisamaasut malillugit ilusiligaavoq, taakkunanilu suliassaqarfimmi sullissisut pingaarnerit pillugit paasissutissat, taakkununngalu iserfissiat nassaarisinnaavatit.

 

Kalaallinut atatillugu silap pissusiata allannguutai aallaavigineqarput. Taamaattumik iserfissiaq silap pissusiata allannguutaanik ilisimasanik tamatigoortunik imaqanngilaq, taamatullu silap pissusianut toqqaannartumik toqqaannanngitsumilluunniit tunngassuteqartut saniatigut Kalaallit Nunaat pillugu annertunerusumik oqaluttuarfiunani.

 

Kalaallit Nunaat pillugu annertunerusumik paasisaqarusukkuit uani atuarsinnaavat, aammalu silap pissusiata allannguutaanut tamakkiinerusunut soqutiginnikkuit annertunerusumik paasisaqarniarlutit uani atuarsinnaavat.

Om Climategreenland