Innuttaasuni inuiaqatigiit

Inuiaqatigiinni inuinnaat inuiaqatigiit qanoq iliorlutik siunissamut silap pissusiata allannguutaannit sunnersimaneqartumut pitsaanerpaamik naleqqussarsinnaanissaat pillugu pisortatigoortumik oqallinnermut pingaarutilinnik sunniuteqartarput. Avataq, Kalaallit Nunaanni Pinngortitaq Avatangiisillu pillugit Peqatigiiffik, aamma Inuit Circumpolar Council (ICC) tassaapput sila pissusia pillugu oqallittoqartillugu inuiaqatigiinni kalaallini inuinnaat, oqalliseqataasutut pingaarutilittut inissisimasut. Taakku marluullutik pisortatigoortumik silap pissusia pillugu oqallinnermut nukittorsaanissamik suliaqartut, aammalu kikkut tamarmik nammineerluni aniatitat killilersorniarlugit ataatsimut unammilligassanut suleqataanissaannut kajumissaarisuusut.

 

Avataq tassaavoq Kalaallit Nunaanni Pinngortitaq Avatangiisillu pillugit Peqatigiiffik. Inuinnaat kiisalu tamat akornanni pinngortitamik avatangiisinillu ilisimasaqarnerup soqutigisaqarnerullu annertusitinnissaa peqatigiiffiup suliniutigaa, tamatumunngalu atatillugu aamma silap pissusia pillugu oqallinnermi peqataalluni. Avatami avatangiisit pillugit unammilligassanut sammiviliinissamik sammisaqarpoq, silallu pissusia tamatumunnga ilaasutut isigalugu. Avataq-p silap pissusia pillugu unammilligassanut isumaa pillugu atuagaqarsinnaavutit, uani.

 

Inuit Circumpolar Council nunani issittuni tamani nunap inuiisa pisinnaatitaaffiinut tapersersuinermik suliaqarpoq. Kattuffik sila pillugu oqallinnermi kalaallinut, nunanut issittunut nunarsuarmullu tunngassuteqartuni malunniussimavoq, aammalu silap pissusiata allannguutaasa inuit inuunerminni atugaannut sunniutigisinnaasaanik, aammalu pissutsit allanngornerinut naleqqussaanissamut pisariaqartinneqarsinnaasunik pingaartitsisuulluni.

Civilsamfundet